تفنن في اتخدام الجليتر

الأمثلة

وهذه بعض الأمثلة على الدرس:

تفنن في اتخدام الجليتر DT-glitter1-1

كثرت من الأمثلة لأن الدرس ممتع تفنن في اتخدام الجليتر Biggrininvert

ادوات الدرس
اهم حاجة في استخدام الادوات هو الجليتر
هذي بعض الصور اللي جمعتها من النت ،، ممكن انكم تطبقون الجليتر عليها

تفنن في اتخدام الجليتر DT-glitter6

تجهيز الادوات

في البداية لازم تختارون صورة البنت او الشكل اللي بنطبق عليه الجليتر ،، واتحددون شو اللون اللي بتبدلونه بالجليتر ،، ويفضل انكم تختارون جليتر مقارب للون الاصلي ،، عشان تطلع الصورة متناسقة ،،

الصورة اللي بشتغل عليها هي هذي:

تفنن في اتخدام الجليتر DT-glitter10

في ها الدرس كل تعاملنا بيكون ويا الصور اللي بصيغة gif ،، عشان جي لما نشتغل على هاي الصور في الفوتوشوب لازم انطبق الخطوة الاساسية وهي تغيير مود Mode الصوة:

شوفوا الخطوات:
1- خزنت صورة البنت اللي بشتغل عليها عن طريق نقرة على اليمين على الصورة واخترت Save Picture As
2- فتحت الصورة في الفوتوشوب (لاحظوا في بوكس الليرات عليها قفل)
تفنن في اتخدام الجليتر DT-glitter18

ملاحظة: اللي مو ظاهر عنده بوكس الليرات يروح على Window ويتأكد من وضع إشارة صح على كلمة Layers

لمزيد من المعلمات حول إظهار بوكس الليرات ،، أو عن الليرات بشكل عام ،، اتبع الرابط التالي ..

نكمل:

3- رحت للقائمة الرئيسية عند Image >> Mode >> RGB Color
يعني انغير الـ Mode من Indexed Color إلى RGB Color

شوفوا الصورة التوضيحيه قبل و بعد >>
تفنن في اتخدام الجليتر Imode

الحين خلوا البنت على صوب ،، وبنشتغل على الجليتر ،،

اختاروا الجليتر اللي يتناسب مع اللون الاصلي ،، او اي جليتر لو حابين تغيرون في الشكل ،،

ومثل ما اتشوفون فستان البنية ازرق فاتح ،، فاخترت ها الجليتر

تفنن في اتخدام الجليتر DT-glitter10

=

الحين بنغير مود الجليتر ،، كل صورة روحها ،،

تابعوا الخطوات:
1- اخترنا الجليتر المناسب
2- فتحنا صور الجليتر في الفوتوشوب (وهني عندي 3 صور)
3- اغير مود Mode الصورة الاولى بنفس الطريقة اللي سويناها قبل شوي ،،
Image >> Mode >> RGB Color
4- اروح للقائمة الرئيسية ،، ها المرة عند >>
Edit >> Define Pattern

شوفوا الصورة:
تفنن في اتخدام الجليتر EditDPattern

5- بيظهر بوكس ثاني عشان نختار الاسم ،، اضغطوا Ok على طول ،،
6- بعد ما نخلص من هاي الخطوات نغلق الجليتر الاول ،، ونكرر نفس العملية مع الجليتر الثاني والثالث ،،

ان شاء الله طبقتوا الخطوات السابقه بسهوله ،، لانها اساسية ،، وما نقدر نكمل من غيرها ،،

الادوات جهزت ،، نبتدي الشغل:

خطوات التنفيذ
نرد للبنت مرة ثانية ،، ان شاء الله بس ما طولنا عليها ،، نبغي انجهز فستانها بسرعه عشان هي مستعيله بتسير عرس ربيعتها تفنن في اتخدام الجليتر 3ros

باستخدام اداة التحديد Magic Wand Tool تفنن في اتخدام الجليتر 39as7ryah

الموجوده في قائمة الادوات على يسار الشاشة ،، نحدد المناطق اللي نبغي نعبئها بالجليتر ،،

ولتسهيل هاي العملية ،، لازم انغير شوي في خصائص الاداة:

لاحظوا معاي ،، بمجرد ما نطغط عليها بيظهر لنا فوق شريط الخصائص الخاصة بالاداة ،،

تفنن في اتخدام الجليتر 39as7ryahD

شفتوا الاماكن اللي عليها دواير حمر ،، ابتدوا من اليسار ،، بنختار منها الصورة الثانية من اليسار ،، يعني المربعين اللي داخلين في بعض ،، لاننا بنحتاج لتكرار عملية التحديد لاكثر من مرة لين ما ناخذ كل المساحة اللونية اللي حابين انغيرها للجليتر ،،

اما الدايرة الحمرة الثانية ،، فهي على كلمة Tolerance وحذالها رقم ،، ها الرقم يحدد لنا الدرجات اللونية اللي بتحددها الاداة ،، يعني انا هني اخترت رقم 20 ،، معناته ان الاداة بتاخذ كل 20 % من اللون الازرق مع كل ضربه ،، وممكن انكم تزيدون و تنقصون في الرقم على حسب الحاجة ،،

مثلاً لو اخترتو الرقم 20 ولاحظتوا ان التحديد سار على اماكن انتوا ما تبون اتغيرون لونها ،، اضغطوا على زر التراجع Edit >> Undo وقللوا من النسبة في الشريط ،، مثلاً خذوا 10% وتابعوا شغلكم ،، ــ هذا للتوضيح ــ

الحين روحوا لفستان البنية وحددوا المناطق اللي تبونها حسب الشرح السابق ،،

لاحظوا تطبيقي اثناء التحديد:
تفنن في اتخدام الجليتر DT-glitter20

وبعد الانتهاء من التحديد:
تفنن في اتخدام الجليتر DT-glitter21

عقب ما انتهينا من هاي الخطوة ،، نروح لـ قائمة Edit مرة ثانية ،، بس ها المرة بنختار Fill

يعني ،، Edit >> Fill
تفنن في اتخدام الجليتر EditFill

بيظهر لنا بوكس عشان نختار الجليتر ،، طبعاً اظغطوا على المربع الصغير اللي في البوكس وبتظهرلكم قائمة الباترن،، ومنها نختار الجليتر اللي عرفناه للبرنامج أثناء تجهيز الأدوات ،، غالبا بتحصلونها في نهاية القائمة ،،

اختاروا الجليتر الاول من اليسار:
تفنن في اتخدام الجليتر DT-glitter22

شوفوا التغيير اللي حصل على الفستان:
تفنن في اتخدام الجليتر DT-glitter23

مثل ما لاحظتوا في الصورة السابقة ،، ان التحديد ــ الخط المنقط ــ مازال في مكانه ،، لا تشلونه الحين بنحتاجة ،،

الحين روحوا لبوكس الليرات ،،

نقرة على اليمين على اللير الموجود بتظهر قائمة صغيرة اختاروا Duplicate Layer
تفنن في اتخدام الجليتر DT-glitter24

لمزيد من المعلومات عن كيفية نسخ الليرات ،، اتبع الرابط التالي ..

تفنن في اتخدام الجليتر GoldS

نكرر نفس العمليه السابقه مع اللير اليديد ،،
يعني نروح لـ Edit >> Fill

بس ها المرة نختار الجليتر الثاني ،،
شوفوا الصورة
تفنن في اتخدام الجليتر DT-glitter25

ومرة ثانية ،، والتحديد بعده موجود ،، نقرة على اليمين على اللير اليديد اللي ظهرناه قبل شوي و Duplicate Layer

ونروح لـ Edit >> Fill

ونختار الجليتر الثالث
تفنن في اتخدام الجليتر DT-glitter26

خلصنا من الفوتوشوب ــ نروح للإمج ردي

ومثل ما اقول دايما:

طرق الانتقال للامج ردي هي:
الطريقة الاولى: File > Jump To > Adobe ImageReady
الطريقة الثانية: Shft + Ctrl + M
الطريقة الثالثة: هو الانتقال للامج ردي عن طريق الضغط على الرمز الموجود اسفل قائمة الادوات مثل ما هو موضح في الصورة
تفنن في اتخدام الجليتر Imageready

الحين وفي الامج ردي ،، بتلاحظون شريط موجود تحت ــ شريط الانيميشن ــ فيه الصورة اللي نشتغل عليها ،، هاي الصورة هي عبارة عن لير واحد ،، واحنا هناك اشتغلنا على ثلاث ليرات ،، لازم انظهر باقي الليرات ،

بس قبل ما ندخل في تفاصيل هذه الخطوة ،، اللي مو ظاهرعنده شريط الأنيميشن Animation يروح على Window ويتأكد من وضع إشارة صح على كلمة Animation مثل ما هو موضح في الصورة
تفنن في اتخدام الجليتر WAnimation

الحين نكمل:

على يمين الشريط فوق بتلاحظون شي سهم صغير اضغطوا عليه بتظهر لكم قائمة طويلة اختاروا منها Make Frames From Layers
تفنن في اتخدام الجليتر DT-glitter27

لاحظوا ان كل الليرات او الطبقات اللي اشتغلنا عليها ظهرت
تفنن في اتخدام الجليتر DT-glitter28

اذا حابين تشوفون لمعة الجليتر قبل ما تخزنون الصورة ،، اضغطوا على رمز التشغيل الموجود اسفل شريط الانيميشن ،،

الحين ،، وصلنا لفقرة تخزين الصورة ،،

واحنا في الامج ردي ،، نروح لقائمة File ونختار Save Optimized As

تفنن في اتخدام الجليتر FileSaveOptimized

تفنن في اتخدام الجليتر FileSaveOptimized

نخزن الملف عادي

تفنن في اتخدام الجليتر Gold2L

بجي ،، نكون خلصنا الدرس ،، شوفوا النتيجة النهائية ،،

قبل تفنن في اتخدام الجليتر DT-glitter10

بعد

و مع تحياتي
big flower
شكرا

يسعدني ان اكون اول من ردعلى الموضوع

تقبلي مروري

بالطبع و شكرا لمرورك

وينكم يا بنات

انا هنا تسلمي يا عسل

شكرآ
وآللهـ من جد آلدرس حلو ومسلي بعد :)
شكرآ لكـ دأئمآ متميزه

شكرا